Əziz dostlar!

Sizi Dünya Azərbaycanlılarının Həmrəylik Günü və Yeni il münasibətilə təbrik edirəm!

Hər ilin son günününü xalqımız həmrəylik bayramı kimi qeyd edir və bütün dünyaya öz birliyinin sarsılmaz olduğunu göstərir. Eyni zamanda, Yeni ili xoş arzu və ümidlərlə qarşılayaraq bir-birimizə növbəti təqvim ilində cansağlığı, xoşbəxtlik, uğurlar arzulayırıq.

Son illərdə həm vətənimzin, həm də hər birimizin həyatında çox mühüm hadisələr baş verib ki, bunlar hələ uzun illər öz təsirini göstərəcəkdir.  Qoy 2022-ci il də Azərbaycan tarixində ən yaxşı illərdən biri olsun!

Yeni ildə hamıya xoş və sevnicli günlər, möhkəm cansağlığı, rifah, hər bir ailəyə səadət və bol ruzi-bərəkət arzulayıram!

Qoy ölkəmizin işğaldan azad edilmiş ərazilərində dinc həyat sürətlə bərpa olunsun, vaxtilə ata-baba ocağını tərk etməyə məcbur qalmış həmvətənlərimiz doğma yurdlarına qayısınlar!

İnanıram ki, Qarabağdakı çoxsaylı evlərin pəncərələrində yolka işıqlarının bərq vuracağı, hər bir ailənin bayram süfrəsi arxasında Yeni ili qarşılayacağı günlər uzaqda deyil.

Hamıya 2022-ci ildə yeni imkanlar və yüksək nailiyyətlər arzulayıram!

Həmrəylik Günümüz və Yeni İlimiz mübarək olsun!

Azər Əsgərov