Qurban bayramınız mübarək!

Əziz dostlar, hörmətli müsəlman bacı və qardaşlarım.

Xalqımız müqəddəs İslam ənənələrindən olan Qurban bayramını xoş duyğularla – Qələbə ovqatı, şükranlıqla, rəşadətli ordumuza və Müzəffər Ali Baş Komandana minnətdarlıq hissi ilə qarşılayır. Otuz ilə yaxın bir müddətdən sonra torpaqlarımız, həmçinin müqəddəs ziyarətgahlarımız işğaldan azad edilib.

Onların, demək olar ki, hamısı dağıdılıb, salamat qalanlarında isə xalqımıza məxsus izlər silinib. Bununla belə, cənab Prezident İlham Əliyevin xüsusi diqqət və qayğısı sayəsində həmin məscidləri qapıları ibadət üçün açılır, minarələrdən azan səsi ucalır.

Milli birliyimiz, həmrəyliyimiz sarsılmazdır. Ölkəmizin uğurlu inkişafı bizi fərəhləndirir.

Haqq yolunda, nəcib amallar uğrunda şəhid olan vətən övladlarını ehtiramla yad edirik. Onların ailələrinə, əlillərə, yaşlılara, müharibə veteranlarına qayğı göstərmək borcumuzdur.
Bu mübarək günlərdə Tanrıdan dua və niyyətlərinizin qəbulunu diləyərək, hər birinizə xoşbəxtlik, firavanlıq, əmin-amanlıq arzulayıram!

Qurban bayramınız mübarək!

Azər Əsgərov