English 
Azərbaycan 
Русский 
Son günlərdə cüdoçularımız beynəlxalq səviyyəli daha iki mötəbər yarışda yüksək nailiyyət qazanıblar:
- Xorvatiyanın Dubrovnik şəhərində keçirilən böyüklər arasında Avropa kuboku turnirində 4 qızıl,1 bürünc medal və komanda hesabında 1-ci yer;
- Fransanın Strasburq şəhərində keçirilən yeniyetmələrin Avropa kuboku turnirində1-i qızıl, 3-ü gümüş, 5-i bürünc olmaqla 9 medal və ümumi hesabda 3-cü, kişilər arasında 2-ci yer.
Hər iki yarış aprelin 23-24-də keçirilib və ölkəmizin idman tarixinə növbəti uğur səhifəsi kimi yazılıb. Azərbaycan Cüdo Federasiyasının səmərəli fəaliyyəti idmançılarımıza diqqəti və qayğısı öz nətcələrini verir. Bu, çox sevindiricidir.
Azərbaycan Cüdo Veteranları Assosiasiyası və şəxsən öz adımdan qalib və mükafatçı idmançılarımızı, onların məşqçilərini təbrik edir, bütün cüdocularımıza qarşıdakı yarışlarda uğurlar arzulayıram!
Azər Əsgərov
Bu sözləri möhtərəm Prezident cənab İlham Əliyev bu ilin birinci rübünün yekunlarına həsr olunan müşavirədə dedi. Rübün yekunları göstərir ki, dünyada baş verən mənfi hadisələrə baxmayaraq Azərbaycan öz imkanları sayəsində dinamik inkişafını davam etdirir.
Cənab Prezidentin müşavirədə sahibkarlığın və özəl sektorun fəaliyyətinə dəstəyini bir daha nümayiş etdirməsini ürəkdən alqışlayırıq. Ölkə rəhbərinin yerli şirkətlərə, sahibkarara beynəlxalq maliyyə qurumlarının, o cümlədən Dünya Bankının, Avropa Yenidənqurma və İnkişaf Bankının, digər bankların daha da böyük həcmdə kreditlərinin verilməsi məsələsinə baxmağın vacibliyini bildirdi. Bu məsələnin həlli özəl sektorun iqtisadi proseslərdə fəal iştirakını stimullaşdıracaqdır.
Prezidentimizin vurğuladığı kimi, Azərbaycan bu günkü uğurlara və reallıqlara öz gücünə nail olub. Bu gün Şərqi Zəngəzuru və Qarabağı da öz hesabına bərpa edir, dirçəldir. Cənab Prezident bəyan edib ki, biz həmin əraziləri nümunəvi bir bölgə kimi quracağıq. Təbii ki, özəl sektor, sahibkarlıq subyektləri də bu quruculuq prosesində daha fəal iştirak edəcəklər. Ölkə rəhbərinin diqqəti və qayğısı biz sahibkarların fəaliyyətinə güclü impuls verir, vətənimizin tərəqqisi üçün maksimum səylə işləməyə ruhlandırır.
Azər Əsgərov
Azərbaycan Cüdo Federasiyasının (ACF) prezidenti cənab Rəşad Nəbiyevi Beynəlxalq Cüdo Federasiyasının “Yeni texnologiyalar və yüksək məhsuldarlıq” komissiyasının sədri seçilməsi münasibətilə Azərbaycan Cüdo Veteranları Assosiasiyası adından və şəxsən öz adımdan təbrik edirəm.
Rəşad müəllimin rəhbərliyi ilə ACF-də aparılan islahatlar ölkəmizdə cüdonun inkişafına müsbət təsirini göstərir. Yığma komandanın yeni məşqçilər heyəti qarşıya qoyulan məqsədlərə çatmaq üçün əzmkarlıqla çalışır, idmançılarımız öz nailiyyətlərini artırmağa səy göstərirlər.
Dünya cüdosunda yeni texnologiyaların tətbiqinə rəhbərliyin Rəşad müəllimə etibar edilməsi onun bilik, bacarıq və təcrübəsinə verilən dəyərin ifadəsi olmaqla yanaşı, həm də Azərbaycanın idman və innovasiyalar ölkəsi tanınmasının növbəti təsdiqidir.
Bir daha təbrik edir, uğurlar arzulayıram!
Azər Əsgərov
Altı il əvvəl rəşadətli Azərbaycan ordusu torpaqlarımızı işğaldan azad etmək əzmini nümyiş etdirdi və dörd il sonrakı Böyük Zəfərin əsasını qoydu. Strateji əhəmiyyətli Lələtəpənin və Talış istiqamətində mühüm ərazilərin düşməndən geri alınması xalqımızı sevindirdi və ümidləndirdi. 2020-ci ilin payızında ümidlərimiz doğruldu!
Azərbaycanın ərazi bütövlüyünün bərpası, dövlətimizin və xalqımızın müdafiəsi uğrunda şəhid olan bütün həmvətənlərimizin xatirəsini ehtiramla yad edir, ailələrinə səbr diləyir, müharibə əlillərinə və veteranlarına sağlamlıq, firavanlıq arzulayıram!
Qarabağ Azərbaycandır!
Azər Əsgərov
Əziz bacılar və qardaşlar!
El-obamıza yenə bahar gəlir, Novruz bayramı astanadadır. Bu bayramı xoş ovqatla, sevinclə qarşılamaq xalqımızın tarixi ənənəsidir. Novruz xeyirxahlıq, yeni ümidlər, sülh, barışıq bayramıdır. Əsrlər boyu yaşatdığımız bu xeyirxah ənənələri nəsildən-nəsilə ötürürük.
Qoy birliyimizin, həmrəyliyimizin rəmzi olan Novruz hər evə, hər ailəy bol sevinc, ruzi-bərəkət, xoşbəxtlik gətirsin!
Bayramınız mübarək!
Azər Əsgərov
Əziz və hörmətli qadınlarımız, Sizi təbrik edirəm!
8 Mart – ən zərif, fərəhli, gözəl bir bayramdır. Qoy firavanlıq, xoşbəxtlik, səadət ömür boyu nəsibiniz olsun!
Bu bayramın Sizə Vətənimiz, əzizləriniz və doğmalarınızla bağlı yeni sevinclər və ümidlər bəxş etməsini arzulayıram!
Cansağlığı, uzun ömür diləyirəm!
Azər Əsgərov
Ermənistan silahlı qüvvələrinin keçmiş sovet ordusunun 366-cı alayının iştirakı ilə Qarabağda, Xocalı şəhərində azərbaycanlılara qarşı dəhşətli qətliam törətməsindən 30 il keçir.
1992-ci il fevralın 25-dən 26-na keçən gecə baş vermiş bu soyqırımı erməni faşizminin cinayətkar yırtıcı simasını göstərir. Dinc əhalini uşaqdan-böyüyə amansızcasına qətlə yetirmək bəşəriyyətə qarşı cinatətdir və onu törədənlər mütləq cəzasını almalıdır.
2020-ci ildə 44 günlük Vətən müharibəsində Azərbaycan Ermənistanı məğlub edərək, öz torpaqlarını işğaldan qurtardı. Bununla da həm haqq-ədalət bərpa olundu, həm də şəhidlərimizin və soyqırımı qurbanlarının intiqamı alındı.
Biz qalib gəldik və hər zaman da qalib xalq kimi yaşayacağıq.
Lakin Xocalıda və digər yerlərdə xalqımıza qarşı törədilmiş soyqırımı cinayətlərini unutmayacağıq. Bu cinayətlərdə əli olan hər kəsin öz əməlinə görə ən ağır cəzanıalacağına inanırıq.
Allahdan bütün şəhidlərimizə rəhmət diləyirəm!
Azər Əsgərov
Son günlər keçirilən beynəlxalq mötəbər turnirlərdə cüdoçularımızın uğurlu çıxışları bizi sevindirir. Federasiya rəhbərliyində və milli komandanın məşqçilər heyətində dəyişiklikdən çox az müddət sonra əldə edilən nailiyyətlər Azərbaycan cüdosunun doğru yolda olduğunu, dirçəldiyini göstərir.
İsrail Dövlətinin paytaxtı Təl-Əvivdə keçirilən “Böyük dəbilqə” turnirində Hidayət Heydərovun (73 kq) və Məmmədəli Mehdiyevin (90 kq) qızıl, Yaşar Nəcəfovun (66 kq) gümüş, Zelim Kotsoyevin gümüş medal qazanması, kişi idmçançıların ümumi nəticələrinə görə Azərbaycan millisinin birinci yeri tutması gələcək daha böyük uğurların başlanğıcı hesab edilə bilər.
Daha bir ümidverici hadisə isə yeniyetmələrdən ibarət milli komandamızın İspaniyanın Fuenqirola şəhərində yeniyetmələr arasında keçirilən “Açıq Avropa” turnirində 5-i qızıl olmaqla, ümumilikdə, 15 medal qazanaraq turnirin birincisi olmasıdı. Deməli, Azərbaycan cüdosunda yeni çempionlar nəsli yetişir. Bu çox yaxşı haldır və cüdodakı müvəqqəti tənəzzülün artıq geridə qaldığını göstərir.
Milli komandalarımızı, onların məşqçilərini, xüsusən, baş məşqçi Mövlud Mirəliyevi təbrik edir, cüdoçularımıza yeni-yenu qələbələr arzulayıram!
Azər Əsgərov
20 Yanvar – Ümumxalq Hüzn Gününündə Azərbaycanın azadlığı və suverenliyi, ərazi bütövlüyünün bərpası uğrunda canından keçən həmvətənlərimizin xatirəsini ehtiramla yad edirik.
Şəhidlik – doğma yurdun və xalqın mənafeyi naminə ən yüksək fədakarlıqdır.
Otuz ildən sonra torpaqlarımızın işğaldan azad edilməsi, 44 günlük Vətən müharibəsində Qələbə qazanılması ölümün gözünə dik baxaraq düşmən üzərinə gedən və onu məğlub edən igidlərimizin tarixi xidmətidir.
Bu yolda şəhid olanların ruhu qarşısında baş əyir, valideynlərinə səbr diləyir, sağlamlığını itirən hərbçilərimizə şəfa və hamıya firavanlıq arzulayıram!
Azər Əsgərov
Azərbaycan cüdosunun şanlı ənənələri var: müxtəlif mötəbər yarışlarda, qitə və dünya çempionatlarında, Olimpiya oyunlarında qazanılmış uğurlar bizi sevindirib və qürurlandırıb.
Yola saldığımız 2021-ci ildə də cüdoçularımızın xeyli uğurları oldu. Noyabrın 1-də isə Azərbaycan Cüdo Federasiyasının növbədənkənar hesabat-seçki yığıncağı keçirildi, yeni rəhbərlik seçildi.
Ölkəmizdə cüdonun inkişafını daha da genişləndirmək, uğurları artırmaq, nüfuzlu beynəlxalq yarışlarda yeni nailiyyətlər əldə etmək qarşımızdakı ən mühüm hədəflərdir.
Federasiyanın İcraiyyə Komitəsinin üzvü, Azərbaycan Cüdo Veteranları Assosiasiyasının prezidenti kimi mən də bu işə öz töhfəmi vernəyə çalışacağam.
Yeni – 2022-ci ildə yeni qələbə sevincləri yaşayacağımıza inanıram!
Bütün cüdoçuları və Federasiyamızın idarəedici heyətini Yeni il münasibətilə təbrik edir, hamıya möhkəm cansağlığı, uğurlar, nailiyyətlər arzulayıram!
Azər Əsgərov
